Вёска Лельчыцкага сельсавета, у складзе эксперыментальнай базы "Убарць". Размешчана за 9 км на паўночны ўсход ад раённага цэнтра, за 75 км ад чыгуначнай станцыі Ельск. На пачатку XX ст. вёска Буда-Лельчыцкай воласці Мазырскага павета Мінскай губерні. 54 двары, каля 360 жыхароў. Паводле перапісу 1917 г. 84 двары, 508 жыхароў. Пасля Кастрычніцкай рэвалюцыі тут створана пачатковая школа, дзе вучылася 34 хлопчыкі, настаўнікам працаваў Лаўрэнцій Ляшчынскі. У 1923 г. 482 жыхары. Перад Вялікай Айчыннай вайной 145 двароў, 315 жыхароў.
У красавіку 1943 г. нямецка-фашысцкія захопнікі спалілі ўсю вёску і загубілі 22 жыхары. У 1998 г. 153 двары, 424 жыха-ры. Малочна-таварная ферма. Базавая школа, бібліятэка, фельчарска-акушэрскі пункт, 2 магазіны. На 1.1.2001 г. 152 двары, 449 жыхароў.
Помнік землякам. У цэнтры вёскі. На ўшанаванне памяці 49 землякоў, якія загінулі ў Вялікую Айчынную вайну. У 1967 г. пастаўлены помнік.
