Вёска Буйнавіцкага сельсавета, у складзе камунальнага сельгаспрадпрыемства "Першамайск". Знаходзіцца за 25 км на паўночны ўсход ад раённага цэнтра. Да 1969 г. мела назву Берасцяны Завод. На пачатку XX ст. хутары Барасцяны Завод і Лазнішча Буйнавіцкай воласці Мазырскага павета Мінскай губерні. Паводле перапісу 1917 г. 16 двароў, 88 жыхароў. У 1940 г. вёска, 45 двароў, 104 жыхары. У ліпені 1943 г. нямецка-фашысцкія захопнікі спалілі ўсю вёску і загубілі 12 жыхароў. У 1998 г. 37 двароў, 93 жыхары. Малочна-таварная ферма, клуб, бібліятэка, фельчарска-акушэрскі пункт, аддзяленне сувязі, магазін. На 1.1.2001 г. 34 двары, 84 жыхары.
