Вёска Буйнавіцкага сельсавета. Размешчана за 28 км на паўночны ўсход ад раённага цэнтра. Вядома па пісьмовых крыніцах з пачатку XX ст. як хутар Буйнавіцкай воласці Мазырскага павета, 4 двары, 25 жыхароў. Паводле перапісу 1917 г. хутар, 5 двароў, 31 жыхар (27 украінцаў, 4 беларусы). Перад Вялікай Айчыннай вайной вёска, 10 двароў, 68 жыхароў. У ліпені 1943 г. нямецка-фашысцкія захопнікі спалілі, і загубілі 4 жыхароў. У ваколіцах вёскі дзейнічалі партызаны Лельчыцкай партызанскай брыгады Палескай вобласці. Увайшла ў склад вёскі Першамайск.
