Вёска Бараўскога сельсавета, у складзе калгаса імя М.І. Калініна. Размешчана за 14 км на паўднёвы ўсход ад раённага цэнтра. Упершыню ўпамінаецца ў дакументах 1604 г. У 1777 г. сяло, 22 двары. У 1908 г. адкрыта школа. У 1909 г. 54 двары, 384 жыхары. Згодна перапісу 1917г. 85 двароў, 527 жыхароў. 3 20.8.1924 г. да 22.12.1959 г. цэнтр сельсавета. У 1930 г. у вёсцы меліся праваслаўная царква і сінагога. У 1940 г. 150 двароў, 536 жыхароў. У ліпені 1943 г. нямецка-фашысцкія за-хопнікі спалілі ўсю вёску і загубілі 46 жыхароў. У 1998 г. 49 двароў, 107 жыхароў. Магазін. На 1.1.2001 г. 45 двароў, 95 жыхароў.

Радзіма вучонага Л. Н. Сечкі.

Г. И. Дулеба
Память. Лельчичкий район. - 2002 г.