Вёска Грабянёускага сельсавета, у складзе камунальнага сельскагаспадарчага прадпрыемства "Грабяні". Размешчана за 26 км на паўднёвы ўсход ад раённага цэнтра. Вядома з пачатку XX ст. як хутар Лельчыцкай воласці Мазырскага павета, 8 двароў, 42 жыхары. Паводле перапісу 1917 г. хутар 10 двароў, 60 жыхароў. У 1940 г. вёска, 14 двароў, 46 жыхароў. У чэрвені 1943 г. нямецка-фашысцкія захопнікі спалілі вёску і загубілі 24 жыхары. Ахвяры фашызму ўвекавечаны ў мемарыяльным комплексе Хатынь. У наваколлі вёскі дзейнічалі партызаны Лельчыцкай брыгады. Адселена ў сувязі з аварыяй на Чарнобыльскай АЭС. У 1998 г. 5 двароў, 12 жыхароў. На 1.1.2001 г. 7 двароў, 15 жыхароў.
