Вёска Ударнянскага сельсавета. Размешчана на рацэ Каросцінка (прыток Убарці) за 36 км на паўночны захад ад раённага цэнтра, за 70 км ад чыгуначнай станцыі Жыткавічы. Да 1964 г. мела назву Каросцін. Вядома з 1879 г. як вёска XX ст. Лельчыцкай воласці Мазырскага павета. На пачатку XX ст. 52 двары, каля 360 жыхароў. Да 1917 г. хутар, 73 двары, 470 жыхароў. У 1933 г. працавалі калгас, кузня, паравы і вадзяны млыны. Перад Вялікай Айчыннай вайной 96 двароў, 515 жыхароў. У ліпені 1943 г. нямецка-фашысцкія захопнікі спалілі вёску і загубілі 24 жыхары. У 1998 г. 131 двор, 278 жыхароў. Пачатковая школа, клуб, магазін. На 1.1.2001 г. 133 двары, 270 жыхароў.

Г. И. Дулеба
Память. Лельчичкий район. - 2002 г.