Вёска ў Грабянёўскім сельсавеце, у складзе камунальнага сельскагаспадарчага прадпрыемства "Грабяні". Размешчана за 20 км на паўднёвы ўсход ад раёнага цэнтра Лельчыцы, за 50 км ад чыгуначнай станцыі Іскарасць. Па пісьмовых крыніцах вядома з пачатку XX ст. як хутар Буйнавіцкай воласці Мазырскага павета, у якім у гэты час было 13 двароў, 51 жыхар. Паводле перапісу 1917 г. знаходзіліся 2 хутары: Альховая-Старая (12 двароў, 73 жыхары) і Альховая-Новая (91 двор, 7 жыхароў). Пазней хутары былі аб'яднаны ў вёску. Перад Вялікай Айчыннай вайной вёска Альховая, 38 двароў, 162 жыхары. У чэрвені 1943 г. нямецка-фашысцкія захопнікі спалілі вёску, загубілі 7 жыхароў. У наваколлі вёскі дзейнічалі партызаны Лельчыцкай партызанскай брыгады. У 1998 г. 15 двароў, 25 жыхароў. Магазін. На 1.1.2001 г. 11 двароў, 18 жыхароў.
