Сёска Стадоліцкага сельсавета, у складзе камунальнага сельскагаспадарчага прадпрыемства "Шлях Ільіча". Размешчана за 9 км на паўднёвы ўсход ад раённага цэнтра Лельчыцы, за 52 км ад чыгуначнай станцыі Пціч. Па пісьмовых крыніцах вядома з пачатку XX ст. як хутар Буйнавіцкай воласці Мазырскага павета, 13 двароў, 66 жыхароў. Паводле перапісу 1917 г. хутар, 18 двароў, 104 жыхары. У 1940 г. 36 двароў, 151 жыхар. У Вялікую Айчынную вайну нямецка-фашысцкія захопнікі спалілі ўсю вёску і загубілі 9 жыхароў. У 1998 г. вёска, 29 двароў, 53 жыхары. Дом сацыяльных паслуг. Магазін. На 1.1.2001 г. 33 двары, 62 жыхары.
