Вёска Бараўскога сельсавета, у складзе камунальнага сельскагаспадарчага прадпрыемства "Баравое". Размешчана за 35 км на паўднёвы захад ад раённага цэнтра Лельчыцы, за 78 км ад чыгуначнай станцыі Ельск. Па пісьмовых крыніцах вядома з пачатку XX ст. як хутар Лельчыцкай воласці Мазырскага павета, 16 двароў, каля 120 жыхароў. Згодна перапісу 1917 г. хутар, 27 двароў, 162 жыхары. У 1940 г. 46 двароў, 247 жыхароў. У верасні 1943 г. нямецка-фашысцкія захопнікі спалілі ўсю вёску і загубілі 8 жыхароў. Пачатковая школа, бібліятэка, магазін. На 1.1.2001 г. 34 двары, 73 жыхары.

Магіла Сасноўскага. На могілках. Піянер Ю. Е. Сасноўскі забіты ў 1933 г. ворагамі савецкай улады. У 1961 г. на магіле пастаўлены абеліск.

Г. И. Дулеба
Память. Лельчичкий район. - 2002 г.