Вёска Тонежскага сельсавета, у складзе камунальнага сельскагаспадарчага прадпрыемства 'Iванава Слабада". Размешчана за 50 км на паўночны захад ад раённага цэнтра Лельчыцы, за 55 км ад чыгуначнай станцыі Жыткавічы. На пачатку XX ст. вёска Тонежскай воласці Мазырскага павета, 23 двары, 140 жыхароў. Паводле перапісу 1917 г. 29 двароў, 165 жыхароў. У 1923 г. 185 жыхароў. Перад Вялікай Айчыннай вайной 24 двары, 86 жыхароў. У студзені 1943 г. нямецка-фашысцкія захопнікі спалілі ўсю вёску і загубілі 22 жыхароў. У ваколіцах вёскі дзейнічалі партызаны Лельчыцкай партызанскай брыгады. У 1998 г. 16 двароў, 32 жы-хары. На 1.1.2001 г. 16 двароў, 27 жыхароў.
