Вёска, цэнтр сельсавета і камунальнага сельгаспрадпрыемства "Ударнае". Размешчана за 33 км на поўнач ад раённага цэнтра. Да 1964 г. называлася Асмаленік. Вядома па пісьмовых крыніцах з пачатку XX ст. як хутар Буйнавіцкай воласці Мазырскага павета, 23 двары, каля 140 жыхароў. Паводле перапісу 1917 г. вёска, 33 двары, 201 жыхар. У 1940 г. 51 двор, 253 жыхары. У ліпені 1943 г. нямецка-фашысцкія захопнікі спалілі ўсю вёску і загубілі 18 жыхароў. У 1998 г. 258 двароў, 881 жыхар. Сярэдняя школа, Дом культуры, бібліятэка, дзіцячы сад, спартыўны комплекс, фельчарска-акушэрскі пункт, аддзяленне сувязі, аддзяленне ашчаднага банка "Беларусбанк", сталовая, магазін. На 1.1.2001 г. 246 двароў, 905 жыхароў.
