Вёска Грабянёўскага сельсавета, у складзе калгаса імя Леніна. Размешчана за 24 км на паўднёвы ўсход ад раённага цэнтра. Вядома з пачатку XX ст. як хутар Буйнавіцкай воласці Мазырскага павета Мінскай губерні, 42 двары, каля 280 жыхароў. Згодна перапісу 1917 г. 51 двор, 325 жыхароў. Напярэдадні Вялікай Айчыннай вайны вёска, 89 двароў, 430 жыхароў. У ліпені 1943 г. нямецка-фашысцкія захопнікі спалілі ўсю вёску і загубілі 6 жыхароў. Адселена ў сувязі з аварыяй на Чарнобыльскай АЭС. У 1998 г. 9 двароў, 18 жыхароў. На 1.1.2001 г. 9'двароў, 17 жыхароў.
