Вёска Ударнянскага сельсавета. За 19 км ад Лельчыц. Паводле перапісу 1917 г. хутар у Лельчыцкай воласці Мазырскага павета, 23 двары, 125 жыхароў. Напярэдадні Вялікай Айчыннай вайны 37 двароў, 161 жыхар. У ліпені 1943 г. нямецка-фашысцкія захопнікі спалілі вёску і загубілі 4 жыхароў. У 1998 г. 21 двор, 30 жыхароў. На 1.1.2001 г. 16 двароў, 24 жыхары.
Брацкая магіла савецкіх воінаў і партызан. На могілках. Пахаваны 32 воіны і 5 партызан, якія загінулі ў лютым 1944 г. у баі за вызваленне раёна ад нямецка-фашысцкіх захопні-каў. У 1961 г. на магіле пастаўлены абеліск.
