Вёска Грабянёўскага сельсавета, у складзе камунальнага сельскагаспадарчага прадпрыемства "Грабяні". Размешчана за 31 км на паўднёвы ўсход ад раённага цэнтра, за 50 км ад чыгуначнай станцыі Іскарасць. Вядома з пачатку XX ст. як хутар Буйнавіцкай воласці Мазырскага павета, 57 двароў, каля 360 жыхароў. Паводле перапісу 1917 г. 28 двароў, 167 жыхароў. Перад Вялікай Айчыннай вайной вёска, 40 двароў,157 жыхароў. У ліпені 1943 г. нямецка-фашысцкія захопнікі спалілі ўсю вёску і загубілі 5 жыхароў. У 1998 г. 28 двароў, 44 жыхары. Магазін. На 1.1.2001 г. 28 двароў, 43 жыхары.
