Вёска Стадоліцкага сельсавета, у складзе камунальнага сельскагаспадарчага прадпрыемства "Шлях Ільіча". Знаходзіцца за 18 км на паўднёвы ўсход ад раённага цэнтра. Вядома з пачатку XX ст. як хутар Буйнавіцкай воласці Мазырскага павета, 27 двароў, 191 жыхар. Паводле перапісу 1917 г. вёска, 38 двароў, 255 жыхароў. Перад Вялікай Айчыннай вайной 32 двары, 127 жыхароў. У ліпені 1943 г. нямецка-фашысцкія захопнікі спалілі ўсю вёску і загубілі 10 жыхароў. У 1998 г. 41 двор, 60 жыхароў. Магазін. Малочна-таварная ферма. На 1.1.2001 г. 39 двароў, 62 жыхары.
