Иванова Слобода

13.02.2013 792

Вёска Тонежскага сельсавета, цэнтр камунальнага сельскагаспадарчага прадпрыемства "Іванава Слабада". Размешчана за 46 км на паўночны захад ад раённага цэнтра, за 55 км ад чыгуначнай станцыі Жыткавічы. Па пісьмовых крыніцах вядома ў XIX ст. як вёска Тонежскай воласці Мазырскага павета. У 1838 г. 15 двароў, 109 жыхароў. У 1909 г. вёска, 85 двароў, 607 жыхароў. У 1913 г. адкрыта народнае вучылішча. Паводле перапісу 1917 г. 106 двароў, 662 жыхары. Пасля Кастрычніцкай рэвалюцыі на базе народнага вучылішча адкрыта працоўная школа 1-й ступені, дзе ў 1923 г. вучылася каля 40 дзяцей, працавалі настаўнікамі Алена Аляксандраўна Радзялоўская і Пётр Георгіевіч Панамароў. У 1940 г. 141 двор, 723 жыхары. У студзені 1943 г. нямецка-фашысцкія захопнікі спалілі ўсю вёску і загубілі 9 жыхароў. У 1971 г. 271 двор, 1062 жыхары. У 1998 г. 246 двароў, 591 жыхар. Механічныя май-стэрні, лясніцтва. Базавая школа, Дом культуры, бібліятэка, Дом быту, фельчарска-акушэрскі пункт, аддзя-ленне сувязі, 3 магазіны, аддзяленне ашчаднага банка "Беларусбанк". На 1.1.2001 г. 257 двароў, 592 жыхары.

Помнікі археалогіі. Могільнік-1. За 0,8 км на захад ад вёскі. 37 насыпаў вышынёй 0,6 - 1,7 м, дыяметрам 6 - 12 м. Могільнік-2. За 3 км на за-хад ад вёскі. 4 насыпы вышынёй 0,5 - 1,8 м, дыяметрам 5 - 12 м.

Абодва могільнікі абследаваў у 1976 г. П. Ф. Лысенка.

Г. И. Дулеба
Память. Лельчичкий район. - 2002 г.

Актуально:

08.03.2013 Археологические памятники Лельчицкого района 2767

08.03.2013 История Лельчицкого района 3522

08.03.2013 Шугалей 1318

08.03.2013 Чияне 1311

08.03.2013 Чемерное 1696

08.03.2013 Чапаевск 1281

08.03.2013 Тонеж 2219

08.03.2013 Тартак 1514